कञ्चनपुरमा साइकलबाट लडेर एक जनाको मृत्यु

कञ्चनपुरः कञ्चनपुरमा साइकलबाट लडेर एक जनाको मृत्यु भएको छ।

जिल्लाको शुक्लाफाँटा नगरपालिका–११ झलारीबाट पश्चिम तर्फ गइरहेका शुक्लाफाँटा–५ गर्जमुनिका ४० वर्षीय खडक साउँद आइतवार (हिजो) साइकलबाट लडेर नालिमा रहेको सरीया टाउकोमा लागेर घाइते भएका थिए।

टाउकोमा  सरीया पसेर घाइते भएका बोहरालाई उपचारको लागि निसर्ग अस्पताल धनगढी हुदै नेशनल मेडिकल कलेज कोहलपुर रिफर गरिएको थियो। त्यहाँ पनि उपचार सम्भव नभएपछि भारत लगेकोमा आज (सोमवार) उनको उपचारका क्रममा मृत्यु भएको जिल्ला  प्रहरी कार्यालय कञ्चनपुरले जनाएको छ।