बझाङमा खोरबाटै तीनवटा भेडा गायब

बझाङः बझाङमा एक फर्मबाट तीनवटा भेडा चोरी भएका छन्।

जिल्लाको केदारस्यु गाउँपालिका–६ थापागाउँका अनिल गुरधामीको फर्मबाट गएराति भेडा चोरी गरिएको हो। गुरधामीले केदार भेडा बाख्रा फर्म नै दर्ता गरेर भेडा पालन गर्दै आएका छन्।

गोठको ताल्चा तोडेर भेडा चोरी भएको अनीलले बताए। भेडा चोरेको थाहा पाए पनि भेडा हेर्ने हेरालुको कोठाको बाहिरबाट चुक्कुल लगाएर भेडा चोर फरार  भएको बताए। एउटा भेडाको २५ हजार रुपैँयासम्म पर्छ। तीन भेडा बराबर  ७५ हजार बराबरको क्षति भएको छ।