एमाले गोदावरीको नगर अध्यक्षमा सन्तोष सिंह निर्वाचित

कैलालीः नेपाल कम्युनिस्ट पार्टी एमाले गोदावरी नगर कमिटीको दोस्रो अधिवेशनबाट अध्यक्षमा सन्तोष सिंह निर्वाचित भएका छन्। गए राति सम्पन्न निर्वाचनमा सिंहले एक सय ६२ मत पाएर निर्वाचित भएका छन्। उनका निकटतम प्रतिस्पर्धी हरि फुलाराले एक सय ४० मत प्राप्त गरेका छन्।

नगर उपाध्यक्षमा कीर्तबहादुर चन्द, सचिवमा विक्रम विष्ट, उपसचिवमा कृष्णा चौधरी र जयबहादुर विक निर्वाचित भएका छन। निर्वाचनमा तीन सय पाँच मत खसेको थियो। अधिवेशनको उद्घाटन नेपाल कम्युनिस्ट पार्टी एमालेका सचिव लेखराज भट्टले गरेका थिए।