कञ्चनपुरमा भीमदत्तले उचाल्यो राष्ट्रपति रनिङ शिल्डको उपाधि

कञ्चनपुरः कञ्चनपुर जिल्ला स्तरिय राष्ट्रपति रनिङ शिल्डको उपाधि भीमदत्त नगरपालिकाले जितेको छ।

शनिबार कृष्णपुरमा सम्पन्न १४ औं जिल्ला स्तरिय प्रतियोगितामा १९ स्वर्ण, १२ रजत र १३ कास्य गरी ४४ पदकसहित भीमदत्तले उपाधि जितेको हो। प्रतियोगितामा शुक्लाफाँटाले दोस्रो स्थान हासिल गरेको छ। शुक्लाफाँटाले १२ स्वर्ण, १० राजत र ५ कास्य गरी २७ पदक जितेको छ। ८ स्वर्ण ३ रजत र १० कास्य गरी २१ पदकसहित कृष्णपुर नगरपालिका तेस्रो भएको छ।

१८२ पदकका लागि भएको प्रतियोगितामा दोधारा–चाँदनी नगरपालिका ६ स्वर्ण, ४ रजत र ७ कास्यसहित चौथो, पुनर्वास नगरपालिका ३ स्वर्ण, ५ रजत र ८ कास्य सहित पाँचौ, बेदकोट नगरपालिका २ स्वर्ण, ११ रजत र १५ कास्य सहित छटौं, बेलौरी नगरपालिका २ स्वर्ण, ३ रजत र १३ कास्य सहित सातौं, बेलडाँडी गाउँपालिका ३ रतज र ५ कास्यसहित आठौं र लालझाडी गाउँपालिका १ रजत र २ कास्यसहित नवौ भएका छन्। कञ्चनपुर जिल्ला खेलकुद समितिको आयोजना र कृष्णपुर नगरपालिकाको सह–आयोजना तथा व्यवस्थापनमा माघ २७ गतेदेखि प्रतियोगिता सुरु भएको थियो।