बैतडीका मोहित धनगढीबाट बेपत्ता 

धनगढीः बैतडीको सुर्नया गाउँपालिका–७ पत्थरकोटका १५ बर्षीय मोहित कुँवर शुक्रवार बेपत्ता भएका छन्।

मोहित आज (शुक्रवार) बिहानदेखि बेपत्ता रहेका उनका बुवा अमरबहादुर कुँवरले बताए। धनगढीको एलान्इस इन्टरनेश्नल मोडेल कलेजमा कक्षा ११ मा अध्ययन गरिरहेका कुँवर शुक्रवार बिहान कोठाबाट विद्यालय जान्छु भनि निस्केका र त्यसपछि उनी बेपत्ता रहेका पारिवारिक श्रोतले बताएको छ।

मोहित सन्तोषी टोलमा आफ्नै दाजुसँग बस्दै आएका थिए। प्रहरीमा खोजतलासका लागि निवेदन समेत दिएको कुँवरले बताए। मोहितलाई देखेमा नजिकको प्रहरी कार्यालय वा ९८४८८०६४७६ नम्बरमा सम्पर्क गरिदिन उनका आफन्तले अनुरोध गरेका छन्।