डिस्कभरी इंग्लिस बोर्डिङद्धारा आयोजित खुल्ला हाजिरी जवाफ प्रतियोगिता संम्पन्न

धनगढीः  कैलालीको धनगढी उपमहानगरपालिका–८ मा रहेको डिस्कभरी इंग्लिस बोर्डिङ स्कुलले आयोजना गरेको माध्यमिक तहसम्मको खुल्ला हाजिरी जवाफ प्रतियोगिता सम्पन्नं भएको छ।

आज बाल दिवसका अवसरमा खुल्ला हाजिरी जवाफ प्रतियोगिताको आयोजक डिस्कभरी इंग्लिस बोर्डिङ स्कुल प्रथम भएको हो। यस्तै हाजिरी जवाफ प्रतियोगिताको दोस्रोमा मिलन इंग्लिस स्कुल र एरिष्टो इंग्लिस माध्यमिक बिद्यालय तृतिय भएको विद्यालयका प्रमुख योगेन्द्रबहादुर सिंहले बताए ।

प्रतियोतामा प्रथम हुने विद्यालय लाई प्रमाणपत्र सहित नगद १० हजार पुरुस्कारको ब्यवस्था गरिएको थियो। त्यस्तै दोस्रो लाई प्रमाणपत्र सहित नगद ५ हजार र तृतिय हुने विद्यालय लाई ३ हजार प्रदान गरीएको सिंहले बताए। प्रतियोगितामा धनगढीका १६  विद्यालयको सहभागिता रहेको थियो।