आज बिहानै बझाङदेखि काठमाडौं जादै गरेको बस दुर्घटना
धनगढीः आज बिहानै बझाङबाट काठमाडौं जाँदै गरेको यात्रु बस कपिलवस्तुमा दुर्घटना भएको छ। ना ६ ख १३३९ नम्बरको बस बिहान पाँच बजे शिवराज नगरपालिका–३ देउराली मोडमा दुर्घटना भएको हो। घाइतेहरुको चन्द्रौटास्थित सन्जिवनी सामुदायिक अस्पतालमा उपचार भइरहेको छ।
बझाङदेखि काठमाडौंका लागि छुटेको बस सडकभन्दा करिब ५ मिटर तल पल्टिएर दुर्घटना भएको हो। दुर्घटनामा सवार २५ जना मध्ये ४ जना गम्भीर घाइते भएका छन्। बाँकी समान्य घाइते भएको प्रहरीले जनाएको छ। प्रहरीका अनुसार घाइतेहरु लाई उद्वारगरि उपचारको लागि सन्जिबनी अस्पतालमा लगिएको छ।
उक्त बसमा शनिवार १६ गते हुने सिभिल सब–असिस्टेन्ट इन्जिनियरिङको लोकसेवा आयोगको परिक्षा दिने प्राबिधिक र काठमाडौं जानका लागि आएका यात्रु सवार रहेका थिए। बिहानै पानी धेरै परेका कारण बस दुर्घटनामा परेको अनुमान गरिएको छ भने घटनाको थप विवरण आउन बाँकी रहेको छ।
