बझाङमा ग्यास बिस्फोट हुँदा एक जना घाइते

बझाङः बझाङमा ग्यास बिस्फोट हुँदा एक जना घाइते भएका छन्।

जिल्लाको मष्टा गाउँपालिका–२ मेलखेतको एक कुखुरा फार्ममा ग्यास भएर मष्टा गाउँपालिका मेलखेतका २७ वर्षीय रतन द्धाल घाइते भएका हुन्। उनको कुखुरा फर्ममा मंगलबार बिहान ७ बजे ग्यास बिस्फोट भएको मष्टा प्रहरी चौकी भातेखोलाले जनाएको छ।

सिलिन्डरको रेगुलेटर भएको स्थानमा ग्यास लिक भएर बिस्फोट भएको हुनसक्ने अनुमान गरिएको छ। घाइतेको अनुहार र शरीरका विभिन्न भागहरु जलेको छन्। उनको अहिले जिल्ला अस्पताल बझाङमा उपचार भइरहेको प्रहरीले जनाएको छ।