सुदूरपश्चिम सरकारले सवारी खरिद नगर्ने

धनगढीः  सुदूरपश्चिम प्रदेश सरकारले आगामी आर्थिक वर्षमा सवारी खरिद नगर्ने भएको छ।

प्रदेश सरकारले अतिआवश्यक बाहेकका सवारी खरिदका लागि बजेट विनियोजन नगरेको हो। सुदूरपश्चिम प्रदेश सरकारले आगामी आर्थिक वर्ष २०८०÷०८१ मा सवारी खरिदका लागि बजेट विनियोजन नगरेको हो।

आर्थिक मामिला मन्त्री नरेशकुमार शाहीले आगामी आर्थिक वर्षमा अति आवश्यक बाहेकका सवारी खरिद नगर्ने बताएका हुन्।