दार्चुलामा नेविसंघद्धारा बिरामीहरुलाई फलफूल वितरण

धनगढीः नेपाली काँगे्रस निकट भातृ संगठन नेपाल विद्यार्थी संघ दार्चुलाले जिल्ला अस्पताल दार्चुला र गोकुलेश्वर अस्पतालमा भर्ना भएका बिरामीलाई फलफूल वितरण गरेको छ।

आफ्नो ५४ औँ स्थापना दिवसको शुभअवसरमा नेविसंघ दार्चुलाले अस्पतालमा रहेका बिरामीहरुलाई फलफूल वितरण गरेको हो। आफ्नो स्थापना दिवस विविध कार्यक्रम गरी मनाउने उद्धेश्यका साथ बिरामीहरुलाई फलफूल वितरण गरिएको नेविसंघ दार्चुलाका उपाध्यक्ष दिपक खातीले बताए।

साथैै नेविसंघले ड्युटीमा खटिएका सुरक्षाकर्मीहरुलाई समेत फलफूल वितरण गरेको छ।