धनगढीमा १० करोडमा निर्माण गरिएको डिबी कम्प्लेक्सको उद्घाटन
धनगढीः धनगढीमा १० करोडमा निर्माण गरिएको डिबी कम्प्लेक्सको उद्घाटन गरिएको छ। शनिवार एक कार्यक्रमको बिच कम्प्लेक्सको उद्घाटन गरिएको हो।
धनगढी उपमहानगरपालिका वडा नम्बर ४ नवजीवन अस्पताल नजिक, घरेलु मार्गमा संगम थापाले १० करोडको लागतमा डिबी कम्प्लेक्स प्रालिको निर्माण गरेका हुन्। आफ्नै ६ कट्ठा जग्गामा निर्माण गरिएको व्यापारिक कम्प्लेक्स शनिवार एक औपचारिक कार्यक्रमको आयोजना गर्दै उद्घाटन गरिएको हो।
व्यापारिक कम्प्लेक्समा भुइँ तलामा ३२ र पहिलो तलामा ३२ गरि ६४ वटा सटर निर्माण गरिएको छ। आधुनिक र भूकम्प प्रतिरोधी भवन पूर्णतया वातानकूलित रहेको कम्प्लेक्सका सञ्चालन प्रवन्धक उपेन्द्र श्रेष्ठले बताए। पहिलो तलाका ३२ सटरको बुकिङ खुला छ।
६ कट्ठा जमिनमध्ये साढे बाह्र हजार वर्ग फिट क्षेत्रफलमा बनेको कम्प्लेक्समा बत्ती गएमा जेनेरेटर व्याकअपमा राखिएको छ भने धनगढीको व्यस्त बजार क्षेत्रमा रहेकाले व्यापार गर्न सहज हुने भएकाले सबै सटर भाडामा लगाउने हिसावले कम्प्लेक्स निर्माण गरिएको सञ्चालकले बताएका छन्।
