धनगढीमा खुल्यो कन्स्ट्रक्सन सोलुसन्सको नयाँ शाखा
धनगढीः हुन्डाइ कन्स्ट्रक्सन इक्विप्मन्ट सोलुसन्सको नयाँ शाखा धनगढीमा खुलेको छ। धनगढी उपमहानगरपालिका– १३, मोहनपुर, गेटामा नयाँ शाखा खुलेको हो।
धनगढी शाखामा कम्पनीको ‘थ्रि एस’ सेवा अन्तर्गत सेल्स, सर्भिस र स्पेयर पाटपूर्जा सम्बन्धी सेवाहरू प्राप्त गर्न सकिने कम्पनीले जनाएको छ।
हुन्डाइको एक्स्काभेटरहरू, चट्टान तथा अरू हेभि पद्धार्थ फुटाउन ‘जिसुङ र रामर’ ब्रान्डका हाइड्रोलिक रक ब्रेकरहरू, साथै विश्वको नम्बर एक ‘एमबि बकेट क्रसर’ पनि धनगढीबाटै खरिद गर्न सकिनेछ। साथै हेभि इक्विप्मन्टको मर्मत तथा पार्टपूर्जा पनि धनगढी शाखाबाटै प्राप्त गर्न सकिने बताइएको छ।
हुन्डाइ कन्स्ट्रक्सन इक्विप्मन्ट, नेपालको हेभि निर्माण उपकरण बजारमा महत्वपूर्ण हिस्सा ओगटेको कम्पनी हो।
हुन्डाइ कन्स्ट्रक्सन इक्विप्मन्टका उपकरण लामो समयदेखि निर्माण, युटिलिटि, उत्खनन् एवं खानी उद्योगहरूको लागि प्रमुख इक्विप्मन्टको रूपमा रहँदै आएको छ।
