डडेल्धुराको आलिताल गाउँपालिकाले नदिजन्य पदार्थमा रोयल्टी संकलन गर्दै

 डडेल्धुरा: डडेल्धुराको आलिताल गाउँपालिकाले नदिजन्य राजस्व संकलन गर्ने भएको छ। पालिका हाता भित्र रहेको रंगुन नदी, सुनखोला लगायतका अन्य स–साना खोला बाट उत्खनन् गरिदै आएको बालुवा, गिट्टी र ढुंगामा अब पालिका सरकारले राजस्व उठाउने भएको छ।

सुदुरपश्चिम सरकारको आर्थिक ऐन २०७९÷०८० मा भएको ब्यवस्था बमोजिम पालिकाले प्रति घनमिटरको रु एक सय छ रुपैयाँ बराबरको राजस्व संकलन गर्न पाउने भएको छ। पटक–पटक गाउँपालिकाले नदिजन्य पदार्थ उत्खननको लागि टेण्डर आह्वान गरेपनि कुनै ठेकेदार कम्पनीबाट टेण्डर प्रस्ताव नआएपछी पालिकाले आफै रोयल्टी संकलन गर्ने भएको हो।