बाजुरा मतगणनाः पाण्डे १८ मतले अगाडि

धनगढीः बाजुरामा प्रतिनिधि सभा सदस्यको दुई हजार पाँच सय ३४ मतगणना गरिएको छ। नेपाली काँग्रेसका उम्मेदवार बद्रिप्रसाद पाण्डे अगाडि छन्।

काँग्रेसका उम्मेदवार पाण्डेको एक हजार २ सय ५० मत छ। नेकपा एमाले उम्मेदवार कर्णबहादुर थापाले एक हजार २ सय ३२ मत पाएका छन्। काँग्रेसका उम्मेदवार पाण्डे एमालेका उम्मेदवार थापा भन्दा १८ मतले अगाडि छन्।

जिल्लामा विवादका कारण रोकिएको मतगणना बिहीबार साँझ ६ बजेबाट सुरु भएको थियो। मंसिर ४ गतेको प्रदेश र प्रतिनिधि सभा सदस्यको निर्वाचनका दिन जिल्लामा विवाद हुँदा २ जनाको मृत्यु भएको थियो।