दोस्रो आमन्त्रित गौरीगंगा कप फागुन २५ गतेदेखि

कैलालीको गौरीगंगा नगरपालिकामा  बाह्वन दोस्रो आमन्त्रित गौरीगंगा कप २०७५ हुने भएको छ । आज धनगढीमा पत्रकार सम्मेलन गरेर गौरीगंगा– ११ स्पोर्टस क्लवको आयोजनामा फागुन २५ देखि चैत ४ सम्म सञ्चालन हुने जानकारी दिईएको हो । प्रथम आमन्त्रित गौरीगंगा कपको सफलतापछि दोस्रो आमन्त्रित गौरीगंगा कपको आयोजना गरेको आयोजकले क्लबका अध्यक्ष दिनेश कलेलले जानकारी दिए । प्रतियोगिताको तयारी अन्तिम चरणमा पुगेको छ ।

प्रतियोगितामा १६ वटा टिमको सहभागीता रहने आयोजकले जनाएको छ । प्रतियोगिताको विजेताले ३ लाख र उपविजेताले १ लाख ५० हजार नगद पुरस्कार पाउनेछन् । सर्वोत्कृष्ट खेलाडीलाई ३० हजार सर्वाधिक गोलकर्ता, उत्कृष्ट गोलरक्षक, उत्कृष्ट रक्षक, उदयमान खेलाडी उत्कृष्ट फरवार्डलाई  जनही १०÷१० हजार र म्यान अफ द म्याचलाई २ हजार ५ सय प्रदान गरिने आयोजकले जनाएको  छ ।