एकै परिवारका तीन जनाको हत्या, एक जना पक्राउ

उदयपुरः एकै परिवारका तीन जनाको हत्या गर्ने एक पुरुष पक्राउ परेका छन्। बेलका नगरपालिका ७ गोवाटार बस्ने एकै परिवारका ३७ वर्षीय राज कुमार बस्नेत, उनकै श्रीमती ३३ वर्षीया सरिता बस्नेत र छोरा १२ वर्षीय सुजन बस्नेतको धारिलो हतियार खुकुरी प्रहार गरी हत्या गरेको ओरोपमा सोही ठाउँ बस्ने ४० वर्षीय नरबहादुर बस्नेतलाई शुक्रबार दिउँसो प्रहरीले पक्राउ गरेको हो। 

सोही ठाउँस्थित दिलुटार वादिम खोलामा नरबहादुरले खुकुरी प्रहार गर्दा तीनै जनाको घटनास्थलमै मृत्यु भएको प्रहरीले बताएको छ। यस सम्बन्धमा प्रहरीले थप अनुसन्धान गरिरहेको छ।