बढ्यो सुनको मूल्य

काठमाडौ: साताको कारोबारको पाँचौं दिन बिहीबार नेपाली बजारमा सुनको मूल्य बढेको छ।

नेपाल सुनचाँदी व्यवसायी महासंघका अनुसार बुधबार प्रतितोला ९७ हजार ५०० रुपैयाँमा कारोबार भएको छापावाल सुन आज तोलामा ५ सय रुपैयाँले बढेर प्रतितोला ९८ हजार रुपैयाँ कायम भएको हो। यस्तै तेजाबी सुनको मूल्य प्रतितोला ९७ हजार ५ सय रुपैयाँ कायम भएको छ।

यसैगरी आज चाँदीको मुल्य भने स्थिर रहेको छ। बुधबार प्रतितोला एक हजार २८० रुपैयाँ कारोबार भएको चाँदी बिहीबार पनि सोही मूल्यमा किनबेच भइरहेको महासंघले जनाएको छ।