कञ्चनपुरको दोधाराचाँदनीमा एमाले विजयी, उपमेयरमा कांग्रेस
२०७९ जेठ ४, ०३:०१
धनगढीः कञ्चनपुरको दोधाराचाँदनी नगरपालिकाको मेयरमा नेकपा (एमाले) विजयी भएको छ। मेयरमा एमालेका किशोर लिम्बू विजयी भएका हुन्। उनले नेपाली कांग्रेसका उम्मेदवार गोपालदत्त भट्टलाई ९३३ मत अन्तरले पराजित गरेका छन्। लिम्बुले ७ हजार १०४ मत पाएका थिए भने उनका निकटतम प्रतिस्पर्धी भट्टले ६ हजार १७१ मत ल्याए।
यस्तै उपप्रमुखमा नेपाली कांग्रेसकी उम्मेदवार गंगादेवी जोशी विजयी भएकी छन्। उनले ६ हजार ३६५ मत प्राप्त गरेकी छन्। एमालेकी उम्मेदवार खिमा चन्दलाई पराजित गर्दै उनी विजयी भएकी हुन्।
कमेन्ट लोड गर्नुस