बझाङको वित्थडचिरमा कांग्रेसको सिंगो वडा कार्यसमितिले दियो राजीनामा

धनगढी : बझाङको वित्थडचिर गाउँपालिकामा कांग्रेसको वडा कार्यसमितिका पदाधिकारीले राजीनामा दिएका छन्। चुनावी तालमेलको विरोधमा वडा नम्बर २ का गणेश बोहराको नेतृत्वको १७ सदस्यीय कार्यसमितिका पदाधिकारीले पदबाट राजीनामा दिएका हुन्।

नेपाली कांग्रेस, नेकपा माओवादी केन्द्र र नेकपा एकीकृत समाजवादीले बझाङमा गठबन्धन गर्ने निर्णय गरेको थियो। वडा सभापतिबाट राजीनामा दिएका बोहराले कांग्रेस एक्लै जित्ने अवस्थामा गठबन्धन स्वीकार्य नभएको बताउँदै वित्थडचिर–२ बाट अध्यक्षमा स्वतन्त्र उम्मेदवारी दिने जनाएका छन्।