सुदूरपश्चिम सरकारमा कांग्रेस पनि सहभागी, तीन मन्त्री नियुक्त
धनगढीः सुदूरपश्चिम प्रदेश सरकारमा प्रमुख प्रतिपक्षी दल नेपाली कांग्रेस पनि सहभागी भएको छ। कांग्रेसबाट संसदीय दलका नेता रणबहादुर रावल आन्तरिक मामिला तथा कानून मन्त्री र गोविन्द बोहोरा सामाजिक विकास मन्त्री, टेकबहादुर रैका सामाजिक विकास राज्यमन्त्री नियुक्त भएका छन्।
कानून मन्त्री पूर्णा जोशी, सामाजिक मन्त्री लालबहादुर खड्का र कृषि मन्त्री विनिता चौधरीलाई हटाएर कांग्रेसबाट नयाँ मन्त्री नियुक्त गरिएको हो। नवनियुक्त मन्त्रीहरूको आजै शपथ ग्रहण हुने जनाइएको छ।
लामो समयदेखि कांग्रेसले पनि सरकारका सहभागी हुने इच्छा जनाए पनि माओवादी र समाजवादीले मानेनका थिएनन्। तर स्थानीय चुनावामा केन्द्रको गठबन्धन सुदूरपश्चिमा असर पर्ने भएपछि शुक्रबार कांग्रेसबाट दुई मन्त्रीसहित एक राज्यमन्त्रीले शपथ लिन लागेका हुन्।
प्रदेशसभामा समाजवादीको १४, माओवादीको १३, कांग्रेसको १२ र एमालेका १० का जना सांसद छन्। कांग्रेस सरकारमा गएसँगै प्रमुख प्रतिपक्षको हैसियत एमालेले पाउने भएको छ।
