कञ्चनपुरमा मेयर सहितका जनप्रतिनिधि एमाले छोडेर समाजवादीमा
२०७८ चैत्र २०, ०४:२६
धनगढीः कञ्चनपुरको बेदकोट नगरपालिकाका मेयर अशोक चन्द एकीकृत समाजवादीमा लागेका छन्। नेकपा (एमाले) बाट निर्वाचित मेयर चन्दसहित पाँच जना वडाध्यक्ष, वडा सदस्य, जिल्ला कमिटी सदस्य र सल्लाहकार सदस्यलगायतका करिब पाँच सय जना नेकपा एकीकृत समाजवादीमा लागेका हुन्।
समाजवादीका अध्यक्ष माधव नेपालले एमाले परित्याग गरेका उनीहरुलाइ स्वागत गरेका छन्। मेयर चन्दसहित वडा नम्बर ३ का वडाध्यक्ष तिलक ठकुल्ला, ४ का भास्कर भट्ट, ७ का वीरबहादुर डगौरा, ८ का दुर्गासिंह भन्डारी र १० का वडाध्यक्ष केशव रावल समाजवादीमा लागेका हुन्।
यस्तै अन्य कार्यपालिका सदस्यहरु, एमाले जिल्ला कमिटी सचिवालय सदस्यहरु र जिल्ला कमिटी सल्लाहकारहरुले पनि समाजवादीमा प्रवेश गरेको बताइएको छ।
कमेन्ट लोड गर्नुस