घोडाघोडी महोत्सव माघ १४ देखी

कैलालीको सुखडमा आउदो माघ १४ गते देखी महोत्सव लाग्ने भएको छ। विश्व रामसार सूचिमा सूचिकृत पर्यटकिय क्षेत्र घोडाघोडीको प्रचार प्रसार तथा अनाथ अपाङ्गहरुको सहयोगार्थ घोडाघोडी नगरपालीका १ सुखडमा महोत्सव हुने भएको हो।

घोडाघोडी उद्योग बाणिज्य संघको आयोजना र घोडाघोडी सहायता केन्द्र, घोडाघोडी बहुउदेश्य युवा मञ्चको सह आयोजनामा माघ १४ गते देखी २३ गते सम्म घोडाघोडी महोत्सव २०७५ आयोजना पत्रकार सम्मेलनमार्फत जानकारी दिइएको छ।  

महोत्सव अवधिभर करिव १ लाख दर्शकले महोत्सव अवलोकन गर्ने तथा २ करोडभन्दा वढीको कारोवार हुने महोत्सव मुल आयोजक समितिका संयोजक जियालाल बताए।