चिकेन स्टेशनको धनगढीमै दोस्रो शाखा
धनगढी: चिकेन स्टेशनको धनगढीमै दोस्रो शाखा खुल्ने तयारीमा रहेको छ। धनगढीको चटकपुरमा स्थापना भएको चिकेन स्टेशनको दोस्रो शाखा क्याम्पस रोडमा सञ्चालनको तयारीमा भएको हो। सुदूरपश्चिममै पहिलोपटक धनगढीको चटकपुरमा शाखा खोलेका व्यवसायी मदन भट्टले नै क्याम्पस रोडमा शाखा विस्तारको तयारी गरेका हुन्।
चटकपुरमा चिकेन स्टेशन संचालनमा ल्याएको एक बर्ष नपुग्दै क्याम्पसरोडमा पनि दोस्रो शाखा माघ ८ गतेदेखि संचालनमा ल्याउन लागेको संञ्चालक भट्टले बताए। ‘चिकेन स्टेशनका परिकारहरु छोटो समयमै ग्राहकलाई लोभ्याउन सफल भएका कारण दोस्रो शाखा खोल्ने आँट आएको हो,’ उनले भने, ‘चिकेनसंगै भेज परिकार पनि पाउने छ।’
चिकेन स्टेशनका दुबै शाखामा जन्मदिन, वैवाहिक बर्षगाँठ लगायतका कार्यक्रमहरु गर्नका लागि सभाको साथै प्रत्यक्ष संगीतको मज्जा लिन सकिने सुविधा रहेको छ। चिकेन स्टेशनका दुबै शाखा संचालनमा आएपछि ४५ जनाले रोजगार पाउने संचालक भट्टले बताए। डेढ करोडको लागतमा ‘चिकेन स्टेशन’ सञ्चालन रहेको भवनकै चौथो तलामा उनले मुगल्स खजना पनि संचालन गरिरहेका छन्।
