बैतडीमा भिरबाट लडेर महिलाको मृत्यु

धनगढीः बैतडीमा भिरबाट लडेर एक महिलाको मृत्यु भएको छ। सोमवार जिल्लाको सुर्नया गाउँपालिका ४ मा भिरबाट लडेर अन्दाजी ४२ वर्षीया तुलशी कुवँरको मृत्यु भएको हो। 

आज दिउँसो १ बजे खर काट्ने क्रममा गोठाखोला भन्ने स्थानमा भिरबाट लडेर उनको मृत्यु भएको पारिवारिक स्रोतले जनाएको छ। मृतक कुवँरका दुई छोरा एक छोरी छन्। उनका श्रीमान रोजगारीको क्रममा भारतमा छन्।