कञ्चनपुरमा लागुऔषधसहित २ जना पक्राउ
कञ्चनपुर: कञ्चनपुरमा लागुऔषधसहित २ जना पक्राउ परेका छन्।
सशस्त्र प्रहरी बल नेपाल नम्बर ३५ गण हेडक्वाटर शैलेश्वरी कञ्चनपुर मातहत खटिएको टोलीले २ जनालाई पक्राउ गरेको हो।
पक्राउ पर्नेमा कञ्चनपुरको बेदकोट नगरपालिका वडा नम्बर २ छेला बस्ने २१ वर्षीया विजय चौधरी र सोहि ठाउँका १९ वर्षीया अजय चौधरी रहेका छन्।
उनीहरुको साथबाट खैरो हिरोईन ३.७४० ग्राम बरामद गरीएको हो। आवश्यक कानुनी कारवाहीको लागि ईलाका प्रहरी कार्यालय बेलडाडीमा बुझाएको गणले जनाएको छ।