सुदूरपश्चिममा मंगलबार ६६ जनामा संक्रमण पुष्टि, १६ जना निको

धनगढीः सुदूरपश्चिम प्रदेशमा मंगलबार ६६ जनामा संक्रमण पुष्टि भएको छ। भने, १६ जना निको भएर घर फर्किएका छन्।

पछिल्लो २४ घण्टामा सुदूरपश्चिम प्रदेशभरी ९ सय ७८ नमुना परीक्षण गरिएकोमा ६६ जनामा संक्रमण पुष्टि भएको हो। 

सेती अस्पतालमा १३६ जनाको नमूना परीक्षण गर्दा १५ जना, डडेल्धुरा अस्पतालमा ६ जनाको नमूना परीक्षण गर्दा १ जना र महाकाली अस्पतालमा ७९ जनाको नमूना परीक्षण गर्दा ३३ जनामा संक्रमण पुष्टि भएको स्वास्थ्य निर्देशनालय दिपायल डोटीले जनाएको छ।
पछिल्लो २४ घण्टामा प्रदेशमा मृतकको संख्या भने शून्य रहेको निर्देशनालयले जनाएको छ। 

हालसम्म सुदुरपश्चिममा ४४ हजार ३२६ जनामा संक्रमण पुीष्ट भएको छ। भने, ३५ हजार २१० जनाले कोरोना जितेका छन्। हालसम्म प्रदेशभर ५७४ जनाको कोरोनाका कारण मृत्यु भएको छ।