पाटेबाघको छालासहित अछामका दुई जना पक्राउ
![](https://dineshkhabar.com/sites/default/files/styles/row_list/public/field/image/patebagh-750x375.jpg?itok=GRoWF9re)
धनगढी: ईलाका प्रहरी कार्यालय कोहलपुरले पाटेबाघको छाला सहित दुई जनालाई पक्राउ गरेको छ। बिहीबार दिउँसो १ः४५ बजेको समयमा बैजनाथ गाउँपालिका वडा नम्बर ४ तिलकपुर स्थित सडकमा दुर्लभ वन्यजन्तु पाटेबाघको छाला ल्याउदै गर्दा उनीहरुलाई पक्राउ गरिएको हो।
विषेश सूचनाको आधारमा ईलाका प्रहरीबाट खटेको टोलीले उनीहरुलाई पक्राउ गरि नियन्त्रणमा लिएको छ।
मेल्लेख गाउँपालिका ३ का वर्ष २७ का डम्बर बुढा र रामारोशन गाउँपालिका वडा ५ का वर्ष ३५ का नन्दु बुढालाई बाघको छालासहित नियन्त्रणमा लिएको ईलाका प्रहरी प्रमुख डिएसपी रविन्द्र खनालले जानकारी दिए।
उनीहरुले बोकेको झोलाको खानतलासी गर्दा दुर्लभ वन्यजन्तु पाटेबाघको थान २ छाला बरामद गरि आवश्यक अनुसन्धान भईरहेको डिएसपी खनालले बताए।
![cp](https://dineshkhabar.com/sites/default/files/WhatsApp_Video_2023-06-04_at_12_04_26_PM_AdobeExpress (2).gif)
![add (golden walk)](https://dineshkhabar.com/sites/default/files/1720425056360.jpg)
![Sonalika](https://dineshkhabar.com/sites/default/files/Sonalika-Tractors-ko-web-banner-giff.gif)