अपाच्य संवाद
सरकार कोरोना नियन्त्रणको पूर्व तयारी चाहियो ।
त्यो पर्दैन,
रणनैतिक सडक शिलान्यास गर्ने स्वीच थिचेर ।
सरकार लकडाउन गरौ स्थिति भयावह भो
त्यो पर्दैन,
रथ यात्रा गरि उत्सव मनाउने ठोरीमा ।
सरकार अव त स्थिति बाहिर जानै थाल्यो केहि गरौं ।
त्यो पर्दैन,
भव्य धराहरा उद्धघाटन गरेर टुप्पोबाट हेर्ने ।
सरकार अक्सीजन चाहियो छटपटि भो
त्यो पर्दैन,
विश्वास मत पो चाहियो ।
सरकार आईसीयू वेड चाहियो, अस्पतालमा बेड थपौ ।
त्यो पर्दैन,
एक पटक प्र.म. को सपथ थप्ने ।
अब त अति भो सरकार ! तिम्रो मुखै कसरी हेर्नु ?
त्यो पर्दैन,
उद्धघाटन र शिलान्यास हेर्दै जाउ,
स्वास्थ्य स्थिति नियन्त्रणमै छ ।
राम राम राम भिरबाट खसायो कि,
गुरूत्ववलले तान्यो कसैले न्याय दिने ?
त्यो पर्दैन,
प्रतिज्ञा नै गर्या छैन ।
-सुरेन्द्र प्रसाद भट्ट, मलाखेती