हरेक मातातीर्थ औंसी, खास बनोस् आमा
हरेक मातातीर्थ औंसी
खास बनोस् आमा
तिम्ले फेर्ने हरेक साँस मेरै
साँस बनोस् आमा ।
जति जुनी पाउँ म
तिम्रै न्यानो काखमा मेरो
बास बनोस् आमा
हरेक मातातीर्थ औंसी
खास बनोस् आमा ।
मर्ने अनेक कारण तर
जन्मिने कारण मात्र तिमी आमा
अप्ठ्यारोमा हौसला दिने
तिम्रो आशिर्वाद बनोस् आमा
हरेक मातातीर्थ औंसी
खास बनोस् आमा ।
धेरै भयो तिम्ले पकाको
खान पाकी छैन
नठान्नु है छोरीले आमा
सम्झिराकी छैन,
मैले खाने हरेक खाना तिम्ले
ख्वाको पहिलो गाँस बनोस् आमा
हरेक मातातीर्थ औंसी
खास बनोस् आमा ।
अबेरसम्म नसुत भनी
व्युँझाउँथ्यौ नी आमा
धेरै भयो तिम्रो आवाजले
व्यूँझ्न पाकी छैन,
हरेक तिम्रो बोली मेरो
साहस बनोस् आमा
हरेक मातातीर्थ औंसी
खास बनोस् आमा ।
रिसाउँदा नी मीठो लाग्ने
तिम्रै बोली मात्र आमा
साथमा नभएनी संगै भाको
आभास बनोस् आमा
हरेक मातातीर्थ औंसी
खास बनोस् आमा ।
मैले गर्ने प्रत्येक काममा
तिम्रो साथ रहोस् आमा
हरेक मातातीर्थ औंसी
खास बनोस् आमा ।।
रक्षा भट्ट दिनेश खबरका संवाददाता हुन्। उनले समसामयिक विषयमा कलम चलाउछिन्।