दार्चुलाको धार्मिकस्थल शिखर धुरामा आगलागी
२०७७ चैत्र ३०, ०७:४६
धनगढी: दार्चुलाको धार्मिकस्थल शैल्यशिखर मालिकार्जुन धुरामा आगलागी भएको छ।
राष्ट्रकै सातौं धाम मालिकार्जुन देवताको मुख्य बासस्थान मानिने शिखर धुरामा आगलागी भएको हो। शिखर धुरामा ग्वानी क्षेत्रबाट आगलागी भएको र आगलागीबाट मन्दिर क्षेत्रमा क्षति पुगेको बताइएको छ।
मालिकार्जुन गाउँपालिका र शैल्यशिखर नगरपालिकाको सीमा क्षेत्रमा पर्ने शिखर धुरामा भक्तजनहरुले चढाएका ध्वजा, मुर्ती, घण्टी, नगद भेटीलगायतका सामग्री जलेका बताइएको छ।
शैल्यशिखर ५ का १५ जना युवाहरुले आगो नियन्त्रणको प्रयास गरेपनि शिखर धुराको गुठी बचाउन नसकिएको बताएका छन्। शिखर धुरामा मनले चिताएको पुग्ने धार्मिक मान्यता छ।
कमेन्ट लोड गर्नुस