कञ्चनपुरमा तरकारी बाली र पोल्ट्री फार्म वर्कर तालिमको अनुगमन
धनगढी: कञ्चनपुरमा तरकारी बाली र पोल्ट्री फार्म वर्कर तालिमको अनुगमन गरिएको छ ।
जिल्लाको बेलौरी नगरपालिकामा निड्स नेपालको दक्षता परियोजना, सम्झौता बहुउद्देश्यीय सहकारी संस्था लिमिटेड र किसान २ परियोजनाबाट सञ्चालित तरकारी बाली र पोल्ट्री फार्म वर्कर तालिमको अनुगमन गरिएको हो ।
नगरस्तरीय सरोकारवालाहरुको अनुगमन टोलीले नगरपालिकाको वडा नम्बर ८ मा बेमौसमी तरकारी बाली र वडा नम्बर १० मा पोल्ट्री फार्म वर्कर तालिमको अनुगमन गरेको छ । पोल्ट्री फार्म वर्कर तालिमका सहभागीहरुले भारतबाट अवैध रुपमा भित्र्याइने कुखुरा, चल्ला, अण्डा आयातमा प्रतिवन्ध लगाइनुपर्ने माग राखेका छन् ।
त्यस्तै कृषकहरुलाई सम्झौता बहुउद्देश्यीय सहकारी संस्था लिमिटेडले पालिकासँगको समन्वयमा अनुदानमा गहुँ र धानको विउ वितरण गरेको र कृषि ज्ञान केन्द्र एवम् किसान २ परियोजनाको सहयोगमा ५० प्रतिशत अनुदानमा मेसिनरी औजार उपलब्ध गराएको बताइएको छ ।
