बैतडीमा १७ वर्षीया किशोरीको शव फेला, हत्याको आशंका

धनगढीः बैतडीमा १७ वर्षीया किशोरीको शव फेला परेको छ।

बैतडीको दोगडा केदार गाउँपालिका वडा नम्बर ७ स्थित लवलेक सामुदायिक वनमा वडा नम्बर ७ कै चडेपानी बस्ने भागरथी भट्टको शव फेला परेको जिल्ला प्रहरी कार्यालय बैतडीले जनाएको छ।

हत्या गरि शव फालिएको आशंका गरिएको छ। घटनाबारे अनुसन्धान भइरहेको जिल्ला प्रहरी कार्यालयका प्रहरी नायव उपरीक्षक नारायण प्रसाद अधिकारीले जानकारी दिए।