दार्चुलामा जीप दुर्घटना
२०७७ पुष २९, ०२:०२
दार्चुला: दार्चुुलामा जीप दुर्घटना भएको छ।
जिल्लाको मार्मा गाउँपालिकाको लटिनाथबाट पारिबगडतर्फ जाँदै गरेको म१ज ३२४ नम्बरको जीप मार्मा गाउँपालिका वडा नम्बर २ सिमार बजार नजिक बुधबार विहान दुर्घटना भएको जिल्ला प्रहरी कार्यालय दार्चुलाले जनाएको छ।
दुर्घटनामा परि २ जना सामान्य घाइते भएको प्रहरीले जानकारी दिएको छ। घाइते हुनेहरुमा मार्मा गाउँपालिका वडा नम्बर ३ का १८ वर्षीय भुवन धामी र बैतडीको डिलाशैनी गाउँपालिका वडा नम्बर १ नानाराका १८ वर्षीया लक्ष्मी धामी रहेका छन्।
जीपमा २ जना मात्रै सवार रहेको प्रहरीले जनाएको छ। जीप सडकबाट करिव ५०÷६० मिटर तल खसेको प्रहरीले जनाएको छ।
दुर्घटनाको कारण खुल्न सकेको छैन।
कमेन्ट लोड गर्नुस