बैतडीका चितुवा पीडित परिवारलाई आर्थिक सहयोग
२०७७ पुष ८, ०६:५०
धनगढी : बैतडीका चितुवा पीडित परिवारलाई आर्थिक सहयोग गरिएको छ ।
जिल्लाको शिवनाथ गाउँपालिकाले चितुवाको आक्रमणबाट मृत्यु भएका परिवार र चितुवा मार्ने क्रममा घाइते भएकालाई राहत एवम् उपचार खर्च सहयोग गरेकोे हो ।
गत कार्तिक २४ गते चितुवाको आक्रमणबाट ज्यान गुमाएकी सो गाउँपालिकाको वडा नम्बर ४ बगराकी माया महताको परिवारलाई ५० हजार रुपैयाँ आर्थिक सहयोग गरिएको बताइएको छ ।
त्यसैगरी नरभक्षी चितुवा मार्ने क्रममा घाइते भएका रामसिंह महता, कृष्णसिंह महता, सुरेन्द्रसिंह महता र अर्जुनसिंह महतालाई उपचारार्थ २०/२० हजारको चेक प्रदान गरिएको बताइएको छ ।
कमेन्ट लोड गर्नुस