धनगढीको वडा नम्बर १५ का विद्यालय आजदेखि नियमित सञ्चालन
२०७७ कार्तिक २०, ०९:०५
धनगढी : धनगढी उप–महानगरपालिकाका वडा नम्बर १५ का सबै विद्यालय आजदेखि सञ्चालन हुने भएका छन् ।
वडाध्यक्ष फुलराम चौधरीले आज विहान १० बजदेखि वडाका सबै सामुदायिक विद्यालय सञ्चालन गर्न लागेको जानकारी दिए ।
चौधरीले आफ्नो वडामा ४ वटा सामुदायिक विद्यालय रहेको बताउँदै विद्यार्थीको जोरविजोर रोल नम्बरका आधारमा पठनपाठन सञ्चालन गरिन लागेको बताए ।
स्वास्थ्य सुरक्षाका मापदण्डको पालन गर्दै पठनपाठन थालिने वडाध्यक्ष चौधरीले बताए । धनगढीका अन्य विद्यालयमा पढाई सुरु नभएका बेला वडा नम्बर १५ भने पठनपाठन सञ्चालन गर्न लागेको हो ।
तर अन्य वडाका विद्यालयले वैकल्पिक सिकाइ अन्तरगत अनलाइन कक्षा सञ्चालन गर्दै आएका छन् ।
रक्षा भट्ट दिनेश खबरका संवाददाता हुन्। उनले समसामयिक विषयमा कलम चलाउछिन्।
कमेन्ट लोड गर्नुस