कैलालीमा मोटरसाइकलको ठक्करबाट १ जनाको मृत्यु
२०७७ कार्तिक १६, ०३:२७
धनगढीः कैलालीमा मोटरसाइकलको ठक्करबाट घाइते भएका १ जनाको मृत्यु भएको छ ।
शनिबार पूर्वपश्चिम राजमार्ग अन्तरगत जिल्लाको गौरीगंगा नगरपालिकाको चौमालामा से १ प ६२१९ नम्बरको मोटरसाइकलको ठक्करबाट घाइते भएकी वडा नम्बर २ कटानपुर बस्ने ७० वर्षीया कुलदेवी साउदको मृत्यु भएको प्रहरीले जनाएको छ ।
टाउको र बाँया खुट्टामा चोट लागेकी साउदको उपचारका क्रममा नेपालगञ्जमा मृत्यु भएको हो ।
मोटरसाइकल चालक गौरीगंगा नगरपालिका वडा नम्बर २ कै २३ वर्षीय घनश्याम चौधरीलाई इलाका प्रहरी कार्यालय चौमालाले नियन्त्रणमा लिएको छ ।
कमेन्ट लोड गर्नुस