बैतडी पुगाइयो पीसीआर मेसिन, भदौ दास्रो सातादेखि सञ्चालन हुने

बैतडी : प्रयोगशाला स्थापनाका लागि जिल्ला अस्पताल बैतडीमा पीसीआर मेसिन पुगाइएको छ। पिसीआर मेसिन जिल्ला पुगे पनि जडान हुन भने केही समय लाग्ने छ।

प्रदेश सरकारले जिल्ला अस्पताल बैतडीमा पीसीआर ल्याब स्थापना गर्ने निर्णय गरेअनुसार पीसीआर मेसिन पुगेको जिल्ला अस्पताल बैतडीका प्रमुख डा. वसन्तराज जोशीले जानकारी दिए।

प्रयोगशाला स्थापनाका लागि भौतिक पूर्वाधार निर्माणको काम जारी रहेकाले भदौ पहिलो सातासम्म मेसिन जडान कार्य सम्पन्न गरेर भदौ दोस्रो साताबाट प्रयोगशालाबाट कोरोना परीक्षण सुरू गर्ने लक्ष्य रहेको डा. जोशीले बताए।

प्रदेश सरकारले बैतडीसहित सुदूरपश्चिमका तीन ठाउँमा पीसीआर प्रयोगशाला स्थापना गर्ने गत चैत १५ गते निर्णय गरेको थियो।