बाढीले बाजुराको ताप्रिसेराको पक्की पुल बगायो, यातायात बन्द
२०७७ साउन ५, ०७:५३
बाजुरा–अबिरल वर्षासँगै आएको बाढीले बाजुराको ताप्रिसेराको पक्की पुल बगाएको छ।
जिल्लाको बुढिगंगा नगरपालिका वडा नम्बर २ को बाढीले ताप्रिसेराको घट्टेखोलाको पक्की पुल बगाएको हो। साफे–मार्तडी सडक खण्डमा पर्ने पक्की पुल बगाएपछि आवागमन रोकिएको छ।
बुढीगंगा नगरपालिका वडा नम्बर २ का अध्यक्ष हिरालाल थापाले आईतबार रातीदेखि परेको अविरल वर्षासँगै आएको बाढीले पुल बगाएपछि सडक खण्डको आवागमन समेत रोकिएको जानकारी दिए।
जिल्ला प्रहरी कार्यालय बाजुराका प्रमुख प्रहरी नायव उपरिक्षक टकंप्रसाद भट्टराईले बाढीले पुल बगाएपछि यातायात सेवा पूर्ण रुपमा अवरुद्ध भएको बताए।
प्रकास सिह दिनेश खवरका बाजुरा संवाददाता हुन्।
कमेन्ट लोड गर्नुस