धनगढीमा १ सय ५० यात्रुलाई निःशुल्क हेल्मेट वितरण
२०७६ माघ २२, ०६:२८
धनगढी: सुदूरपश्चिम प्रदेश ट्राफिक कार्यालय अत्तरीयाले १ सय ५० जनालाई निःशुल्क हेल्मेट वितरण गरेको छ। बुधबार धनगढी बजार क्षेत्रमा ट्राफिक प्रहरीले मोटरसाईकल पछाडी सवार १ सय ५० यात्रुलाई हेल्मेट वितरण गरिएको हो।
जगदम्बा सिमेन्ट प्रालिसँगको सहकार्यमा संघीय प्रहरी इकाई कार्यालय अगाडिको सडकखण्डमा यात्रुलाई हेल्मेट वितरण गरिएको प्रदेश ट्राफिक प्रहरी कार्यालय अत्तरियाका प्रमुख लोकेन्द्र श्रेष्ठले बताए। सुदूरपश्चिमका लागि ३ सय ५० हेल्मेट पठाईएकोमा आज एक सय ५० हेल्मेट वितरण गरिएको हो।
पछाडी बस्ने यात्रुले हेल्मेट लगाउन आवश्यक रहेको बताउँदै प्रहरीले सुरक्षित यात्राका लागि हेल्मेटको फित्ता लगाउन अनुरोध समेत गरेको छ।
कमेन्ट लोड गर्नुस