सुदूर नेपाललाई विश्वसँग जोड्दै

बालबालिकालाई निमोनिया हुनबाट यसरी जोगाउनुस्

२०७६ माघ ९, ०४:०३

निमोनिया फोक्सोमा हुने रोग हो। जसमा फोक्सोमा रहेका हावा भरिने थैलीहरुमा संक्रमणका कारण पानी र पिप जम्मा हुन्छ। निमोनियाको संक्रमण विभिन्न जिवाणु, विषाणु र ढुसी, परजीवी र कहिलेकाँही खानेकुरा वा पानी लगायत तरल पदार्थ फोक्सोमा पुगेर पनि हुन्छ। बालबालिका रोगसँग लड्न सक्ने क्षमता कमजोर हुने हुँदा निमोनियाको असर अझ गम्भीर रुपमा देखिन सक्छ।

बालबालिकाहरुको नाक, घाँटी र वातावरणमा रहेका सूक्ष्म जिवाणु र विषाणुहरु सास फेर्दा वा अन्य कुनै माध्यमबाट फोक्सोमा पुग्यो भने फोक्सोको संक्रमण हुन सक्छ। खोक्दा वा हाछ्यु गर्दा पनि हावाको माध्यमबाट फोक्सोमा पुगी संक्रमण हुने सम्भावना रहन्छ।

निमोनिया हुँदा देखिने लक्षण

–ज्वरो आउने,

–श्वासप्रश्वास दर बढ्ने,

–खोकी लाग्ने,

–छातीको तल्लो भागमा रहेका मांसपेशी भित्र पस्ने,

–श्वास फेर्न कठिन हुने,

–स–साना बालबालिकाहरुले आमाको दुध नचुस्ने,

– खानेकुरा खाने।

निमोनियाबाट कसरी जोगाउने बालबालिका

– बालबालिकालाई जन्मेदेखि १५ महिनाको उमेर भित्र दिइने खोप लगाईयो भने निमोनियाबाट जोगाउन सकिन्छ,

–पर्याप्त मात्राको पोषणले बालबालिकाहरुको रोगसंग लड्न सक्ने क्षमतामा बृद्धि गर्दछ। बालबालिकालाई आमाको दूध र थप आहार प्रसस्त खुवाउनुपर्छ,

–धुवाँ, धूलो र चिसोबाट बालबालिकालाई सधै सुरक्षित राख्नुपर्छ,

–बालबालिकाहरुलाई एलर्जी गराउने पदार्थहरु जस्तै परागका कणहरु, शरीरमा छर्कने सुगन्धित बास्नाहरु आदिबाट जोगाउनुपर्छ,

–बालबालिकाको सरसफाइमा ध्यान दिनुपर्छ,

–सुरक्षित गर्भजाँच र प्रसूति सेवामा ध्यान दिनुपर्छ।

 

कमेन्ट लोड गर्नुस