धनगढीको गौतम स्टोरमा आगलागी, ३५ लाखको क्षती
२०७६ पुष १५, ०७:१९
धनगढीको जुत्ताको होलसेल पसल सिद्ध गौतम स्टोरमा सोमवार राति आगलागी भएको छ। धनगढी उपमहानगरपालिका वडा नम्व्र ४ मा रहेको महेश पोखरेलको स्टोरमा आगलागी हुँदा झण्डै ३५ लाख बराबरको क्षती भएको छ।
धनगढी उप–महानगरपालिकाको दमकलको सहयोगमा प्रहरी, सशस्त्र प्रहरी र स्थानीय बासिन्दाको प्रयासमा आगो नियन्त्रणमा आएको जिल्ला प्रहरी कार्यालय कैलालीले जनाएको छ। आगलागी नियन्त्रण गर्न प्रहरी निरिक्षक पुष्कर पन्तको नेतृत्वमा २१ जना प्रहरीको टोली परिचालन भएको थियो।
कमेन्ट लोड गर्नुस