सुनको मूल्यमा सामान्य गिरावट
नेपाली बजारमा आज सुनको मूल्यमा सामान्य गिरावट आएको छ। नेपाल सुनचाँदी व्यवसायी महासङ्घका अनुसार आज छापावाला र तेजाबी सुनको मूल्य प्रतितोला २०० ले घटेको छ।
महासङ्घले आजका लागि छापावाला सुनको मूल्य प्रतितोला ७२ हजार र तेजाबी सुनको मूल्य प्रतितोला ७१ हजार ७०० निर्धारण गरेको छ। बुधबार छापावाला सुन प्रतितोला ७२ हजार २०० र तेजाबी सुन प्रतितोला ७१ हजार ९०० मा खरिदबिक्री भएको थियो । सुनसँगै चाँदीको मूल्य पनि घटेको छ । आज चाँदी रु १५ ले घटेर प्रतितोला ८५० मा खरीदबिक्री भइरहेको छ। बुधबार चाँदीको मूल्य प्रतितोला रु ८६५ रहेको थियो। -रासस