चार दिनपछि झुलाघाट नाका खुल्ला

भारतसँग सीमा जोडिएको बैतडीको झुलाघाट नाका आज साँझदेखि खुलेको छ। भारतमा आज सम्पन्न भएको विधानसभाको उपनिर्वाचनको सुरक्षा संवेदनशीलताका कारण जनाउँदै चार दिनदेखि नाका बन्द रहेको थियो । 

विधानसभाको उपनिर्वाचन सम्पन्न भएपश्चात साँझ ५ बजेदेखि नाका पुनः सञ्चालनमा आएको बैतडीका निमित्त प्रमुख जिल्ला अधिकारी लोकेन्द्रसिंह नेगीले जानकारी दिए। सुरक्षा संवेदनशीलता कारण जनाउँदै भारतले मङ्सिर ६ गते साँझ ५ बजेदेखि मङ्सिर ९ गते साँझ ५ बजेसम्म सीमा नाका बन्द राख्न अनुरोध गरेको थियो।