विरामीको मृत्यु भएपछि सेती अस्पतालमा तनाव
उपचारका क्रममा एक विरामीको मृत्यु भएपछि सेती प्रादेशिक अस्पतालमा तनाव भएको छ। कैलालीको गौरीगंगा नगरपालिका वडा नम्वर ६ का ४० बर्षीय गगनसिंह कुँवरको उपचारका क्रममा मृत्यु भएपछि गयराती मृतकका आफन्तले विरोध जनाएका थिए।
बुधवार विहान ११ बजे पेट दुखेपछि भर्ना भएका कुँवरलाई राती ८ बजे अस्पतालका डाक्टरले मृत घोषणा गरेका थिए। केही बेरमा २५÷३० जनाको सङख्यामा आएका मृतकका आफन्तले उपचारमा डाक्टरले लापरवाही गरेको भन्दै विरोध जनाएका थिए।
आज विहान ८ बजे सर्वपक्षिय बैठक बस्ने सहमतीमा विरोध रोकिएको जिल्ला प्रहरी कार्यालय कैलालीका प्रहरी निरिक्षक प्रकास कार्कीले बताए।