धितोपत्र बजार : झिनो अङ्कको वृद्धि

खवर संवाददाता
२०७६ कार्तिक १८, ०६:०५
अ+

साताको पहिलो दिन करिब सात अङ्कले ओरालो लागेको धितोपत्र बजारमा शेयर कारोबार मापक नेप्से परिसूचक आज भने झिनो अङ्कले उकालो लागेको छ। नेपाल स्टक एक्सचेन्जका अनुसार नेप्से ० दशमलव  ९७ बिन्दुले बढेर एक हजार १४० दशमलव २६ मा पुगेको छ। 

यस्तै सेन्सेटिभ परिसूचक शुन्य दशमलव ०४ अङ्कले बढेर २५० दशमलव  ५१ मा पुगेको छ। नेप्से झिनो अङ्कले बढ्दा कारोबार रकम भने आइतबारको तुलनामा केही वृद्धि भएको छ। कुल १६३ कम्पनीको सात लाख ५९ हजार ७१२ कित्ता शेयर रु १९ करोड १८ लाख ५४ हजार ३३३ मा खरिदबिक्री भए। आइतबार १६१ कम्पनीको सात लाख ८४ हजार ७४० कित्ता शेयर रु १७ करोड ५५ लाख ४४ हजार ४७२ मा खरिदबिक्री भएको थियो। 

स्टकका अनुसार कारोबार भएका कुल ११ उपसमूहमध्ये सात उपसमूहको शेयर उकालो लागेको छ भने चार उपसमूहको शेयर घटेका छन्। बैङ्किङ शुन्य दशमलव ९२, विकास बैङ्क शुन्य दशमलव  ८३, फाइनान्स १ र अन्य उपसमूह २ दशमलव ४६ बिन्दुले घट्दा होटल ५ दशमलव  ६३, जलविद्युत् १७ दशमलव ४३, निर्जीवन बीमा १४ दशमलव  ३८, उत्पादन ०.९६, लघुवित्त ५ दशमलव  ६, जीवनबीमा ३ दशमलव ०३ र सामूहिक लगानी कोष शुन्य दशमलव ०६ बिन्दुले बढेको छ। 

कारोबार रकमका आधारमा नविल बैङ्क शीर्ष स्थानमा रहेको छ। आइतबार आर्थिक वर्ष २०७५÷०७६ को मुनाफाबाट ३४ प्रतिशत लाभांश दिने घोषणा गरेको सो बैङ्कको शेयर आज रु एक करोड ९८ लाख ८६ हजार ४५३ मा खरिदबिक्री भयो। प्रभु बैङ्क रु एक करोड ६१ लाख ५३ हजार ५९२, चिलिमे जलविद्युत् कम्पनी रु एक करोड १९ लाख ५३ हजार ८२९, प्राइम कमर्सियल बैङ्क रु ९२ लाख ४६ हजार, नेपाल बैङ्क लिमिटेड रु ७० लाख ३१ हजार २६४ र कृषि विकास बैङ्क रु ५७ लाख २० हजार ७५२ बराबरको कारोबार भई शीर्ष स्थानमा रहे। 

स्टकका अनुसार ग्लोबल आइएमई लघुवित्त वित्तीय संस्थाका शेयरधनीले ९.९३ प्रतिशतले कमाउँदा चिलिमे जलविद्युत् कम्पनी ६.२४, नेरुडे लघुवित्त विकास बैङ्क ५ दशमलव  ६९, एनआइसी एसिया ग्रोथ फण्ड ५ दशमलव ४७ र हाइड्रो इलेक्ट्रिसिटी एण्ड इन्भेष्टमेन्ट एण्ड डेभलपमेन्ट कम्पनीका लगानीकर्ताले ४ दशमलव  ५५ प्रतिशतले कमाए। 

यस्तै जोशी हाइड्रोपावर ४.८३, गुर्खाज फाइनान्स ४ दशमलव  ३४, माउन्टेन हाइड्रो ३ दशमलव ७५, अरुण भ्याली हाइड्रोपावर ३ दशमलव ०६ र एनएलजी इन्स्योरेन्स कम्पनीका शेयरधनीले २ दशमलव ६५ प्रतिशतले गुमाए। रासस