Covid-19(Coronavirus) update
World Nepal
Confirmed
Recovered
Deaths

मलेसियामा बस दुर्घटना हुँदा नेपाली कामदारसहित १४ जना घाइते

फाइल फोटो
फाइल फोटो
खवर संवाददाता
२०७६ कार्तिक १८, ०२:५३
अ+

मलेसियामा बस दुर्घटना हुँदा नेपाली कामदार सहित १४ जना घाइते भएका छन्। सोमबार बिहान पाँच बजे मलेसियाको तपाह भन्ने ठाउँमा यात्रु बोकेको बस दुर्घटना हुँदा इण्डोनेसियन र नेपाली गरी  १४ जना कामदार घाइते भएको त्यहाँको स्थानीय पत्रिका ‘द स्टार’ले जनाएको छ।

बस नर्थ–साउथ एक्सप्रेस वे नजिकै तपाह भन्ने ठाउँमा दुर्घटना भएको हो। पेनाङबाट आएको बस गेन्टिङ हाइल्याण्डतर्फ जाने क्रममा डिभाइडरसँग ठोक्किएर दुर्घटना भएको प्रहरीले जनाएको छ। प्रहरीका अनुसार १९ देखि ४२ वर्ष उमेर समूहका कामदारहरु बसमा सवार थिए। उनीहरुले हिल रिसोर्टमा छुट्टि मनाउन भनेर बस बुक गरेका थिए।

‘बसमा त्यहाँका स्थानीय र विदेशी (इण्डोनेसिया र नेपाल ) गरी ३० जना यात्रुहरु थिए तर तिनीहरुमध्ये १४ जनालाई सामान्य चोटपटक लागेको र उपचारको लागि तपाह अस्पतालमा लगिएको छ’, उनले भने, ‘हामी सडक यातायात ऐन १९८७ अन्तर्गत घटनाको अनुसन्धान गर्दैछौँ।’
 

Skip Ad