कांग्रेसलाई पुनर्जीवन दिन्छौँ, नेतृत्वमा पुस्तान्तरण गर्छौँः महामन्त्री घिमिरे
२०८३ असोज १८, ०४:२५
काठमाडौँ :नेपाली कांग्रेसका महामन्त्री गुरुराज घिमिरेले कांग्रेसको १५औँ महाधिवेशनले पार्टीलाई पुनर्जीवन दिने बताए ।
पार्टीको आजदेखि सुरु भएको १५औँ राष्ट्रिय महाधिवेशनको उद्घाटन समारोहमा महामन्त्री घिमिरेले महाधिवेशनले पार्टीलाई पुनर्जीवन दिँदै नेतृत्वलाई पुस्तान्तरण गर्ने बताउनुभयो । उनले कांग्रेसले राजनीतिका केन्द्रमा राष्ट्र र जनतालाई राखेर नयाँ चरणमा प्रवेश गर्ने उल्लेख गरे ।
महामन्त्री घिमिरेले मुलुकलाई सुस्पष्ट दिशा दिन महाधिवेशनबाट नयाँ नीति र कार्यक्रम ल्याइने बताउनुभयो । कांग्रेसले बदलिँदो परिस्थितिअनुसार पार्टीलाई नयाँ ढङ्गले अघि बढाउने उनको भनाइ छ ।
“बिपी कोइरालाको सपना सार्थक बनाउनु छ, देश र जनतालाई समुन्नत, खुसी र समृद्ध बनाउन, राष्ट्रको प्रतिष्ठा बढाउन कांग्रेस चाहन्छ”, महामन्त्री घिमिरेले भने ।
कमेन्ट लोड गर्नुस