उद्धार कोषको नाममा ठगी गर्ने एक जना पक्राउ
२०८३ भदौ १४, ०१:२२
काठमाडौं– प्रधानमन्त्री दैवी प्रकोप उद्धार कोषको नाममा ठगी गरेको आरोपमा एक जना पक्राउ परेका छन् ।
पक्राउ पर्नेमा रामेछापको गोकुलगंगा गाउँपालिका–२ ठोसे घर भएका ३२ वर्षीय भगवान कार्की छन् ।
उनलाई जिल्ला प्रहरी कार्यालय रामेछापले पक्राउ गरेको हो ।
नेपाल सरकारले जारी गरेको प्रधानमन्त्री दैवी प्रकोप उद्धार कोषमा आफूले १ लाख २० हजार सहयोग गरेको भन्दै नक्कली स्टेटमेन्ट बनाएको प्रहरीले जनाएको छ ।
च्याट जीपीटीबाट आफूले सहयोग गरेको स्टेटमेन्ट बनाएर सामाजिक सञ्जालमा हालेर उनले प्रचार प्रसार गरेको प्रहरीले जनाएको छ ।
कमेन्ट लोड गर्नुस