भदौ २८ गते शनिवार धनगढीका तीन स्थानमा कपडा संकलन हुने

धनगढी उप–महानगरपालिका वडा नम्बर ४ शिवपुरी धाममा रहेको कपडा बैंकका लागि कपडा संकलन गर्न धनगढीका चोकहरुमा भोली शनिवार पनि गाडी राखिने भएको छ। धनगढीको ट्राफिक चौराह, एनएन चोक र क्याम्पस चोकमा गाडी राखिने भएको हो। बिहान ८ बजे देखि १० बजे सम्म गाडी तीन चोकमा हुनेछन। लगाउन मिल्ने लुगा–कपडाहरु कपडा बैंकबाट निःशुल्क वितरणका लागि संकलन गर्न लागिएको हो। कपडा बैंक विहान ८ देखि १० तथा साँझ ५ देखि ७ बजे सम्म खुल्ला रहने गरेको छ।