चोरी मुद्दामा फरार कञ्चनपुरका एक जना पक्राउ

कञ्चनपुरः चोरी मुद्दामा फरार कञ्चनपुरका एक जना पक्राउ परेका छन्। पक्राउ पर्नेमा भीमदत्त नगरपालिका–१८ सालघारी बस्ने २० वर्षीय  बिक्रम कामी रहेका छन्।

जिल्ला अदालत कञ्चनपुरको मिति २०८१ कात्तिक २ गतेको फैसलाले चोरी मुद्दामा २ वर्ष ११ महिना ८ दिन कैद सजाय, ५० हजार जरिवाना र सोही मुद्दामा मिति २०८१ फागुन १५ गतेको फैसलाले २ वर्ष कैद सजाय र २५ हजार जरिवाना तोकिएपछि कामी फरार रहेका थिए। कामीलाई वडा प्रहरी कार्यालय महेन्द्रनगर, कञ्चनपुरबाट खटिएको प्रहरीले विहीबार उनकै घर ठेगानाबाट पक्राउ गरेको जनाएको छ।